Íris Magnúsdóttir stundaði nám í viðskiptafræði með áherslu á markaðsfræði og alþjóðaviðskipti frá HA, HÍ og EHÍ. Hún er einnig viðurkenndur stafrænn markaðssérfræðingur og hefur stundað fjölbreytt nám við margmiðlun, grafíska hönnun og vefhönnun. 

​

Íris hefur 25 ára reynslu og þekkingu í markaðsmálum, stafrænni vegferð, vefumsýslu, upplýsingatækni og viðburðarstjórnun m.a. hjá Samskip, Wise, Advania o.fl.

​​​

Íris hefur brennandi áhuga á umhverfisþáttum og hvernig nærumhverfi okkar hefur áhrif á heilsuna. Hún hefur upplifað á eigin skinni að missa heilsuna vegna umhverfisþátta: myglu, rafsegulsmengunar og MCS fjölefnaóþols og á þeirri vegferð kynnt sér fjölmargt sem snýr að því að vanda valið á öllum sviðum er við kemur innivist, efnum í umhverfinu, VOC, snyrtivörum, loftgæðum og fleira gagnlegt. 

Hún er einn af stofnendum GRÓ (heitir nú SUM - Samtök umhverfisveikra) og Facebooks hópsins Þolendur myglusvepps á sínum tíma sem telur nú yfir 5000 meðlimi. Hún hefur því mikla þekkingu á málefnum umhverfisveikra og innivistar allt frá árinu 2011.​Hlutverk Írisar hjá VERKVIST snúa að stafrænum miðlum, fræðslu, kynningar- og markaðsmálum og vinnur hún þvert á sviðin sem stoðdeild: Innivist, Umhverfi- og sjálfbærni og Byggingartæknifræðisvið VERKVISTAR. ​​​​​