Böðvar Bjarnason

Böðvar Bjarnason hefur yfir 40 ára reynslu í byggingageiranum og hefur komið að fjölmörgum verkefnum tengdum mannvirkjagerð sem ráðgjafi, eftirlitsaðili, hönnuður og  framkvæmdaraðili.

​

Hann er menntaður húsasmiður frá Iðnskólanum í Reykjavík, lauk meistararéttindum árið 1992 og  útskrifaðist sem tæknifræðingur frá Tækniskóla Íslands / HR árið 1993.

 

Böðvar hefur um margra áratuga skeið unnið að verkefnum tengdum endurbótum, tillögum og viðhaldi bygginga, innivist, rakaöryggi, ástandsskoðunum og gallagreiningum fyrir ríki, sveitarfélög og einkaaðila.​

Hann hefur komið að mörgum verkefnum er tengjast framkvæmdum, vistvottunum, rakaöryggi, rakamælingum, slagveðurprófunum og loftþéttleikaprófunum.  

​

Böðvar hefur víðtæka þekkingu og  reynslu sem skilar sér inn í ráðgjöf fyrir endurbætur og viðhald bygginga, hvort sem eru atriði tengd hönnun, útfærslu eða framkvæmd.  Að sama skapi nýtist þessi víðtæka reynsla við hönnun eða ráðgjöf við nýbyggingar og nýframkvæmdir. 

​

Á sínum ferli hefur hann komið að margvíslegum og fjölbreyttum verkefnum, meðal annars unnið talsvert við endurbyggingar gamalla húsa, byggingu jarðgangna og brúa, sinnt gæðaeftirliti á steypuframleiðslu og malbiki auk þess að hanna burðarvirki fyrir skólabyggingar í Noregi.

Böðvar hefur komið að rekstri einingaverksmiðju, hannað gæðakerfi fyrir byggingastjóra og sinnt byggingastjórnun.

​

Hann hefur yfirgripsmikla reynslu af verkefnastýringu og hefur verkefnastýrt stórum verkefnum eins og uppbyggingu á VÖK  BATHS við Urriðavatn á Austurlandi og komið að nokkrum vegagerðar framkvæmdum svo eitthvað sé nefnt.

​

Böðvar er stjórnarformaður VERKVISTAR og  einn af þremur stofnendum og eigendum. Hann stýrir sviði tæknilegrar ráðgjafar og byggingareðlisfræði.