Vistvottun

Vistvottun & sjálfbærni

Vistvottun bygginga er formleg staðfesting á því að bygging uppfylli ákveðin viðmið um sjálfbærni, heilnæmt inniloft, orkunýtingu og umhverfisáhrif.

Vottunin byggir oft á alþjóðlegum stöðlum eða svæðisbundnum kerfum og veitir þriðja aðila mat eða upplýsingar um hvernig hönnun, framkvæmd og rekstur byggingar hefur áhrif á umhverfi, heilsu og vellíðan fólks.

Vistvottun bygginga er ekki bara "grænt orðspor" heldur kerfisbundin nálgun til að byggja eða bæta húsnæði með það að markmiði að skapa heilnæm, endingargóð og umhverfisvæn rými. Hún skilar sér bæði í bættum lífsgæðum og lægri rekstarkostnaði til langtíma.

Vistvottun bygginga

Áhersla er lögð á vistvænar lausnir og sjálfbærar byggingar þar sem sérstaklega er hugað að heilsu og vellíðan notenda, um leið og dregið er úr neikvæðum áhrifum á umhverfið yfir líftíma bygginga.

VERKVIST veitir ráðgjöf og annast verkefnastýringu við vistvottun bygginga meðal annars fyrir Svansvottun og BREEAM-vottun á nýbyggingum, endurbótum og í rekstri.

Svansvottun bygginga er lykilatriði þegar kemur að því að stuðla að sjálfbærni og nýsköpun í byggingariðnaðinum á meðan samfélagið nýtur góðs af minni umhverfisáhrifum, bættri heilsu og vellíðan. Svansvottun er því mikilvæg fyrir framtíð sjálfbærrar þróunar.

Endurnýting og endurvinnsla

Vottunarkerfi í byggingariðnaði leggja áherslu á umhverfisvæna nálgun. Mikilvægi endurnotkunar og skilvirkrar úrgangslosunar er einnig í forgrunni til að draga úr neikvæðum áhrifum á umhverfið.

Vistvottun stuðlar að minni losun skaðlegra efna, dregur úr hnattrænni hlýnun og verndar heilsu bæði notenda og byggingaraðila. Með því að innleiða endurnýtingu og ábyrga meðhöndlun úrgangs frá upphafi, er stuðlað að vistvænna byggingarferli og minna umhverfisfótspori.