Heimili

Úttekt á rakaástandi á heimili fer þannig fram að rakaskimað er meðfram útveggjum, undir gluggum, framan við útihurðar,  í votrýmum og á áhættusvæðum.

Ef koma fram frávik í raka þarf að skoða þau svæði nánar, finna orsök og meta afleiðingar.

Í framhaldi er gefin almenn eða sértæk ráðgjöf varðandi næstu skref og úrbætur.

​

​

Hægt er að panta viðtalstíma hjá sérfræðingum okkar varðandi rakavandamál, mótvægisaðgerðir, úrbætur og næstu skref í átt að betri heilsu.

Einnig er hægt að fara notkun efna á heimilinu og við efnisval við endurbætur eða önnur atriði er varða fasteignakaup.

Hjúkrunarfræðingur, líffræðingur eða lýðheilsufræðingur veitir ráðgjöf.

​

​

Sýni geta verið af nokkrum gerðum. Efnissýni eru tekin úr byggingarefnum eins og gólfefnum, undirlagi, ílögn, flotefnum, múr, steypu eða timbri. Þá er tekinn kjarni eða flís úr byggingarefni sem er send á rannsóknarstofu til skoðunar undir smásjá. Þá má greina hvort mygla og undirliggjandi þræðir séu í sýni en það gefur til kynna að mygla vaxi í byggingarefninu. Sýni af yfirborði með límbandi, ætiskál eða strokpinna gefa vísbendingar um gró sem eru loftborin, en ekki endilega hvar mygluvöxtur er staðsettur.

Hægt er að taka stroksýni af uppsöfnuðu ryki en þau sýni eru send til Danmerkur í qPCR greiningu. Slík sýni eru oftast kölluð DNA sýni og  geta gefið vísbendingar um hvort rakasvæði eða mygla séu falin í byggingarhlutum.

Þessi sýni eru því tekin til að fá fram betri mynd af ástandi en gefa ekki endilega rétta niðurstöðu né staðsetningu vandamála nema þá mögulega í samhengi við upplýsingar sem koma fram við rakaskimun og skoðun. 

Loftgæðamælingar eru framkvæmdar þannig að síriti af tegundinni ATMO er skilinn eftir í 1-2 vikur til þess að kanna þá þætti sem hann nemur og skynjar (hiti, loftraki, svifryk (PM1, PM2,5, PM10), TVOC, formaldehýð, NOX, hávaði og lýsing).

​

Niðurstöðurnar geta gefið vísbendingar um það sem betur má fara eða þarf að rannsaka betur. 

Það er vandasamt að kaupa fasteign. Starfsfólk VERKVISTAR hefur reynslu og þekkingu á þeim göllum sem geta leynst í húsnæði með tilliti til eldri leka og rakaskemmda.

Hægt er að panta viðtal fyrir fasteignakaup og fá ráðgjöf varðandi fasteignakaup út frá áhættuþáttum sem tengjast raka.

​

Einnig er hægt að fá ráðgjöf varðandi mögulegar viðhaldsaðgerðir framundan.

Gott er að láta framkvæma rakaskimun áður en lagt er í viðhaldsframkvæmdir. Með því fást nauðsynlegar upplýsingar um rakaástand byggingar. Út frá því næst betur að forgangsraða þeim viðgerðum og endurbótum sem ráðast þarf í næstu árin.

​

Húsfélög geta óskað eftir viðhaldsáætlun fyrir byggingu í heild eða óskað eftir því að ákveðin atriði er varða leka eða rakaskemmdir séu tekin fyrir.

Eftir úttekt er hægt að óska eftir kostnaðarmati á þeim endurbótum sem lagðar eru til.

Einnig er hægt að fá eftirlit með framkvæmdum, verklýsingar og ítarlega ráðgjöf varðandi viðgerðir á rakaskemmdum svæðum, bæði varðandi aðgerðir og hreinsun.

​

​

​

​

​

​

Ef framundan eru framkvæmdir hjá húsfélagi er hægt að óska eftir útboðsgögnum eða verklýsingum vegna úrbóta og viðhaldsframkvæmda. 

​

​

​

​

​

​

​