Hlynur Júlíusson er húsasmiðameistari frá Tækniskólanum og einn helsti sérfræðingur VERKVISTAR á sviði endurbóta, viðhalds, rakaskemmda og byggingartæknilegra mála. Hann hefur yfir 12 ára reynslu af húsasmíði, úttektum og ráðgjöf, þar sem hann hefur byggt upp einstaka þekkingu á greiningu rakavandamála, orsökum byggingargalla og raunhæfum lausnum við viðgerðir, endurbætur og fyrirbyggjandi viðhald.

​

Sérstaða Hlyns felst í því að hann sameinar verklega reynslu úr húsasmíði og viðgerðum á rakaskemmdum byggingum við greinandi nálgun á byggingareðlisfræði, rakaöryggi, loftflæði, efnisnotkun og ástand bygginga. Hann hefur sterka hæfni til að lesa byggingar út frá samspili raka, hita, lofts, notkunar og framkvæmda og greina þannig rót vandamála, ekki aðeins sýnileg einkenni þeirra.

​

Hjá VERKVIST er Hlynur fagleiðtogi á sviði endurbóta og viðhalds. Hann leiðir ráðgjöf, verkefnastjórn og eftirfylgni í stærri endurbótaverkefnum og hefur komið að fjölmörgum verkefnum fyrir sveitarfélög, fyrirtæki, opinbera aðila og einkaaðila. Verkefni hans hafa meðal annars tengst skólum, stofnunum, atvinnuhúsnæði og heimilum, þar sem áhersla hefur verið lögð á heilnæma innivist, varanlegar lausnir og vandaða framkvæmd.

​

Hlynur hefur víðtæka reynslu af ástandsskoðunum, gallagreiningum, innivistarmati, tillögum að endurbótum, framkvæmdareftirliti, loftþéttleikaprófunum, slagveðursprófunum, rakaöryggi og sérhæfðum mælingum með rakamælum og loftgæðamælum. Þá hefur hann yfirumsjón með heimilisskoðunum og mælitækjum VERKVIST og gegnir lykilhlutverki í að tryggja faglega greiningu, skýra ráðgjöf og markvissa eftirfylgni í verkefnum tengdum endurbótum, viðhaldi og innivist.