Svanurinn

Svansvottun

Svansvottun er opinber umhverfisvottun Norðurlandanna, og á Íslandi er hún í umsjón Umhverfis- og orkustofnunar. Upphaflega var Svanurinn einungis notaður til vottunar á vörum og þjónustu, en í dag nær hann einnig yfir vottun bygginga og nýjasta viðbótin er Svansvottun á rekstri.

Svansvottun miðar að því að draga úr umhverfisáhrifum og tryggja heilsusamlegt og öruggt húsnæði. Lögð er sérstök áhersla á:

Minni notkun eiturefna í byggingarefnum.
Heilnæma innivist fyrir íbúa og notendur.
Sjálfbærni með áherslu á umhverfis-, efnahags- og samfélagslega þætti.

Byggingar

Tegundir bygginga sem hægt er að votta.

Svansvottun stendur til boða fyrir fjölbreyttar byggingar, bæði nýbyggingar og endurbætur:

Einbýli og raðhús
Fjölbýlishús
Þjónustuíbúðir
Grunnskóla
Leikskóla
Skrifstofubyggingar
Hótel og gistirými

Líftíma- og orkuútreikningar

Til að fá Svansvottun þarf að:

Sækja um hjá Svaninum á Íslandi.
Skila inn nauðsynlegum gögnum og gangast undir úttektir á verkstað.
Uppfylla skyldukröfur og stigakerfi. Uppfylla þarf allarskyldukröfur og ná lágmarksfjölda stiga til að öðlast vottun.

Byggingar eru metnar út frá lífsferli þeirra, orkunotkun, umhverfiskröfum og heilsuáhrifum.