Um Björgu

Björg er sjálfbærniverkfræðingur frá Cambridge-háskóla í Englandi og hefur víðtæka 
reynslu í sjálfbærniráðgjöf, verkefnastjórnun og gagnagreiningu.

Áður en hún hóf störf hjá VERKVIST, vann hún sem sjálfbærniráðgjafi og verkefnastjóri í 
loftslagsteymi 3keel í Oxford. Þar vann hún meðal annars með alþjóðlegum fyrirtækjum 
að reikna og greina kolefnislosun þeirra samkvæmt Greenhouse Gas Protocol staðlinum 
og veitti þeim innsýn í helstu tækifæri til að draga úr losun. Í því starfi öðlaðist hún meðal 
annars góða reynslu í gagnagreiningu, verkefnastjórnun, uppbyggingu 
sterkra viðskiptatengsla við ólíka hagaðila og miðlun flókinna upplýsinga á skýran og 
faglegan hátt.

Í meistaranámi sínu lagði Björg áherslu á sjálfbærni í byggingariðnaði og í orkugeiranum. 
Í verkefnum sínum lagði hún m.a. til aðgerðir til að draga úr innbyggðu kolefni (e. upfront 
carbon) í nýbyggingum, skoðaði hönnunarforsendur fyrir byggingareiningar sem eru 
hannaðar m.t.t. niðurtöku og endurnotkunar, framkvæmdi áhættugreiningu fyrir 
raforkuflutningskerfi Íslands og rýndi í sviðmyndir Bretlands í orkumálum m.t.t. áherslna 
þeirra í loftslagsmálum. 
Áður en hún hóf meistaranám vann hún í sjálfbærniverkefnum hjá VSÓ Ráðgjöf. Þar fékk 
hún innsýn í BREEAM, greindi tækifæri og hindranir við innleiðingu 
hringrásarhagkerfisins í íslenskum byggingariðnaði, var meðhöfundur sjálfbærniskýrslu 
fyrirtækisins og leiddi styrkumsóknina Hringrásarhúsið sem fékk úthlutað kr. 20 
milljónum úr sjóði Umhverfis- og auðlindaráðuneytisins til að efla hringrásarhagkerfið 
árið 2021.

Hjá VERKVIST leiðir Björg faglega umsjón og uppbyggingu umhverfisvottana og kemur 
með ómetanlega reynslu og sýn inn í verkefni VERKVISTAR