Verkefnastjórnun

Verkefnastjórn

Farsælt byggingarverkefni ræðst sjaldnast af tilviljun, það ræðst af því hvernig því er stýrt.

VERKVIST tekur að sér verkefnastjórn, hönnunarstjórn og byggingastjórn fyrir fyrirtæki, stofnanir og fasteignaeigendur, og tryggir að verkefni skili sér á réttum tíma, innan kostnaðaráætlunar og með þeim gæðum sem lagt var upp með.

Með áratuga reynslu af flóknum verkefnum í mannvirkjagerð þekkir VERKVIST þau atriði sem oftast valda töfum, kostnaðarauka eða ágreiningi og hvernig má koma í veg fyrir þau áður en þau verða að vandamáli.

Þjónusta

Aðkoma VERKVISTAR að verkefnastjórn er meðal annars gagnleg þegar:

Hefja á nýtt byggingar- eða endurbótaverkefni og tryggja þarf skýra yfirsýn frá fyrsta degi
Samræma þarf marga hönnuði og sérfræðinga (arkitekt, burðarþol, lagnir, rafmagn) í eina heildstæða hönnun
Verkkaupi hefur ekki sjálfur burði eða tíma til að fylgja verkefni eftir í daglegu amstri
Tryggja þarf að byggingarstjórn og eftirlit uppfylli kröfur byggingarreglugerðar
Meta þarf áhættu verkefnis áður en ráðist er í framkvæmdir eða stórar ákvarðanir teknar
Útbúa þarf útboðsgögn og verklýsingar

Byggingastjórn og eftirlit

VERKVIST sinnir hlutverki byggingarstjóra samkvæmt lögum og reglugerðum um mannvirki, með yfirumsjón með byggingarframkvæmdum frá upphafi til skila. Byggingastjórn felur í sér ábyrgð á að farið sé eftir samþykktum uppdráttum, tímaáætlun og gildandi regluverki — og að verkið skili sér í hendur verkkaupa eins og lagt var upp með.

Reglubundið eftirlit á framkvæmdatíma er ein besta vörnin gegn síðar tilkomnum byggingargöllum. VERKVIST framkvæmir úttektir og eftirlit með verkframkvæmd til að tryggja að unnið sé í samræmi við verklýsingar, teikningar og viðurkennda verkhætti — og grípur inn í áður en frávik verða að varanlegum skemmdum.